Në datat 27-30 Mars, nën organizimin e Drejtorisë së Përgjithshme të Shërbimeve të Transportit Rrugor, u zhvillua Panairi më i madh Ndërkombëtar Automotiv në Shqipëri “Automotive Fair Albania III”. Në këtë aktivitet, morën pjesë garues të ndryshëm, shqiptarë por edhe prej vendeve të botës. Në përmbyllje të këtij eventi treditor, u zhvillua ceremonia e rastit në ambientet e Pallatit të Brigadave, në të cilin mori pjesë edhe Garda e Republikës me motomjetet e saj, duke shoqëruar garuesit në shenjë simbolike ceremoniale prej Sheshit “Nënë Tereza” deri në finishin e turit në Pallatin e Brigadave.
