Pas zhvillimit të ceremonisë së pritjes në Pallatin e Brigadave nga Presidenti i Republikës, Z. Bajram Begaj, Presidenti italian, Sergio Mattarella vendosi kurorë në Varrezat e Dëshmorëve. Gjatë zhvillimit të homazheve, sipas ceremonialit zyrtar të shtetit në rastet e vizitave të krerëve të shteteve, u shoqërua nga Kryetari i Bashkisë së Tiranës, Z. Erion Veliaj dhe nga Drejtori i Përgjithshëm i Gardës së Republikës, Drejtues Madhor Gramos Sako.
